Firefox in zeneize   

Stanni informou in sce Firefox in zeneize!      

In questa seçion scrivemmo e notiçie e informaçioin rigoardo Firefox in zeneize.

4Zen21 - L'é sciortia a traduçion zeneize do libbrò de George Orwell "A fatorîa de bestie"   

A partî do 4 zenâ 2021 in sce Amazon gh'é a traduçion zeneize do famozo libbro de George Orwell "Animal Farm" ("La fattoria degli animali" in italian) fæta da-o tradutô de Firefox in zeneize co-o titolo "A fatorîa de bestie" e ti peu atrovalo sciacando chi.

Vanni in sce Amazon pe acatâte o libbro!

14Maz19 - Nuevo termine pe-a poula File   

Graçie a l'agiutto do neuvo colaboratô e amigo Jean, a partî da verscion 67 de Firefox a poula ingleize File saiâ scangiâ con "Schedaio".

Varri schedai

23Òto18 - L'ariva Firefox pe Android in zeneize!   

Pe a primma vòtta 'n navegatô tutto in zeneize pe telefonin, ti o peu trovâ in sce google play. Chi in cangio gh'é e istruçioin pe ativalo

O ròbotin scinbolo de Android

12Mar18 - O Team ligure o l'é torna ativo!   

O team ligure, dòppo l'abandon de quarche meize fa, o l'é torna ativo e o l'é za derê a agiornâ i contegnui do progetto Firefox in zeneize e do relativo scito mozilla.org. Alegri!

A. Gastaldi, Team Leader pe-a localizaçion Ligure de Mozilla

10Dex17 - Fin do progetto de Firefox in zeneize    

Dòppo 7 anni de travaggio, pe mancansa de tenpo e coæ o progetto de Firefox in zeneize o finisce chi. Graçie a tutte le personn-e che l'an scaregou e adeuviou.

10Maz17 - Agiornâ a pagina do Team Ligure in sce Mozilla Wiki!   

In sciâ pagina do Team Ligure ghe poei atrovâ varie informaçioin in sciô progetto do Firefox in zeneize, i nommi di colaboratoî e comme ti ne peu agiutâ . Anæ chi pe lezila.

27Fev17 - O 25 e 26 de marso incontro internaçionâ a Barçelonn-a    

O 25 e 26 de marso gh'é saiâ un incontro internaçionâ a Barçelonn-a pe discutte do futuro de Mozilla insemme a 21 localizaçioin, fra e quæ o françeize, italian, portogheize, romeno, basco, catalan, spanòllo e naturalmente o ligure ascì, sciacca chi pe a notiçia conpleta in sce mozilla.org.
Chi sotta gh'é a föto de l'incontro. A mancinn-a poei vedde A. Gastaldi co-a bandea de Zena:

26Nov15 - O 14 de dexembre ariva a neuva verscion!   

O 14 de dexembre finalmente a l'ariva a verscion rivixitâ da o nòstro gruppo. Ghe saian coreçioin di eroî de batitua e òrtografia e o passaggio definitivo a-a grafia ofiçiâ senplificâ con meno acenti pe rende a letua ciù senplice. Alegri! Semmo tornæ!

15Nov15 - Torna in sciô Secolo!   

Vei o 15 de novembre do 2015 o l'é sciortio 'n beliscimo articolo in sciô Secolo XIX ch'o parla de niatri e o poei leze chi

6Zen14 - Gh'é o neuvo lögo de Firefox in zeneize!   

Descaregælo chi

20Fev13 - Anche o ligure into concorso Firefox Flicks 2013!   

O scito do concorso internaçionâ Firefox Flicks o saiâ traduto anche in ligure graçie a-o travaggio de Firefox in zeneize. Sciacca pe vedde o scito in lengoa zeneize de Firefox Flick

29Mar12 - Semmo in sciô Secolo!   

L'é sciortio 'n bello articolo in sciô Secolo XIX inta seçion cultua ch'o parla do nòstro progetto e o poei leze chi

28Mar12 - Primma verscion ofiçiâ de Firefox in zeneize!   

Ancheu o zeneize o l'é a primma lengoa regionale ch'a l'é 'na lengoa ofiçiâ de Firefox! A verscion a l'é a 11 e a poei descaregâ diretamente da-o scito de Mozilla.

28Fev11 - Primmo conponente azonto pe Firefox!   

Ancheu o l'é stæto aprovou da Mozilla o primmo conponente azonto pe cangiâ a lengoa de Firefox in zeneize. O conponente o l'é disponibile pe a verscion 3.6 de Firefox e ou trovæ a sta pagina chi.

10Dex10 - Nasce o progetto Firefox in zeneize!   

Ancheu l'é stæto decizo de creâ ina verscion in zeneize do famozo browser Mozilla Firefox, un di ciù deuviæ do mondo. A goidâ o progetto o saiâ A. Gastaldi, asperto de informatica.