Firefox in zenéize   

Benvegnûo!   

Sto scîto o l'arechéugge e persónn-e interesæ a dêuviâ e/ò svilupâ 'na versción in zenéize do célebre browser da fondaçión Mozilla. A traduçión a l'é scrîta co-a grafîa ofiçiâ de l'Académia Ligùstica do Brénno.

Belìn che novitæ!

Ancheu o zenéize o l'é a prìmma léngoa regionâle ch'a l'é 'na léngoa ofiçiâ de Firefox!! Coscì òua ti gh'æ dôe poscibilitæ: ò ti descàreghi a versción conplêta (pe Windows, Linux, Mac/OS) ò ti peu instalâ i language pack che sèrvan a cangiâ a léngoa do teu navegatô in zenéize. Pe savéine de ciù, vànni a-a pàgina di descaregaménti òpûre vànni inta pàgina ofiçiâ in zenéize de Mozilla!

Ti ne veu agiutâ?   

Chi voêse agiutâ a svilupâ e pròscime verscioìn o peu scrîve inta seçión "Contàtti". L'é inportànte che a traduçión a ségge de lóngo inta grafîa ofiçiâ che ti peu trovâ into scîto de l'Académia Ligùstica do Brénno.

Òua sémmo ànche into Facebook.com e Mozilla.org!!

Vànni inta nòstra pàgina de Facebook e devénta fan: Sciàcca chi!
Gh'émmo ànche a pàgina de Mozilla co-i nòstri conponénti azónti pe Firefox: Sciàcca chi!
No ti ghe n'æ abàsta? Alôa ti ne peu segoî in sciô Twitter: Sciàcca l'öxelìn bleu!

Da no crédde! Òua ti peu navegâ con Opera in zenéize

Te piâxe de ciù navegâ con Opera? Nisciùn problêma, gh'émmo ascì o navegatô Opera in zenéize: Sciàcca chi pe anâ into scîto binéllo de Opera in zenéize!

                                                                                            
Sto scîto o dêuvia a GRAFÎA OFIÇIÂ